Zainab Pukari Rokar Abbas Tum Kaha Ho

Zainab Pukari Rokar Abbas Tum Kaha Ho
Hote Hai Qatl Sarwar Abbas Tum Kaha Ho

Bete Ki Laash Sarwar Maqtal Se La Rahe Hai
Dedo Sahara Aakar Abbas Tum Kaha Ho

Hathon Mein Khali Kuze Bachhe Khade Hai Darpar
Pani Pila Do Aakar Abbas Tum Kaha Ho

Sab Bibiyan Khule Sar Baithi Hui Zameen Par
Ab To Kabar Lo Aakar Abbas Tum Kaha Ho

Akbar Hai Ab Na Qasim Asghar Bhi Ab Nahi Hai
Rote Hai Sab Tadapkar Abbas Tum Kaha Ho

Kya Waqt Aa Gaya Hai Khush Ho Rahe Hai Zalim
Hum Ko Sata Sata Kar Abbas Tum Kaha Ho

Ran Mein Sakina Rokar Aamu Pukarti Hai
De Do Sahara Aakar Abbas Tum Kaha Ho

Qaime Bhi Jal Chuke Hai Chadar bhi Chhin Chuki Hai
Baithe Hai Sab Zameen Par Abbas Tum Kaha Ho

Le Lo Salaam-e- Aakhir Hum Bekason Ke Bhaiya
Jati Hun Qaid Hokar Abbas Tum Kaha Ho

Back To Nauhey in Text