THA YAHI ABID KA NOUHA KARBALA SE SHAM TAK
KARTI THI ZANJEER GIRYA KARBALA SE SHAM TAK

NAHER PAR SOTE HO KYA ABBAS UTHKAR DEKHIYE
          BE RIDAYI KA TAMASHA KARBALA SE SHAM TAK

SOGAYI THAKKAR SAKINA SHAM KE ZINDAN MEIN
     NA CHACHA AYE NA BABA KARBALA SE SHAM TAK

JALGAYA  KURTA TAMACHE KHAYI AUR MAUT AGAYI
HAI YEHI RUDADE SAKINA KARBALA SE SHAM TAK

JISKI MAA KO RAAT KE PARDE MEIN DAFNAYA GAYA
BERIDA USKO PHIRAYA KARBALA SE SHAM TAK

ZAINAB-O-KULSUM KO EHSAAS-E-TANHAI NA HO
ISLIYE THI SAATH ZEHRA KARBALA SE SHAM TAK
   
JAB TALAK BETI ALI KI BERIDA PHIRTI RAHI
SUBHA KA TARA NA NIKLA KARBALA SE SHAM TAK

KAUN HAI YEH BIBIYA JIS PAR MUSALSIL ZULM HAI
KOI ITNA BHI NA POCHA KARBALA SE SHAM TAK

DEKHLI  DUNIYA TERI MAHEMANAWAZI KO YAZID
EK RASAN MAIN SARA KUNBA KARBALA SE SHAM TAK

WOH TAMASHAI WOH BAZARAUNO KA MANZAR DEKHKAR
YAAD ATTA THA MADINA KARBALA SE SHAM TAK

    HAI UDAASI SHAM KE BAZAR ME AB TAK NAWAZ
KYA QAYAMAT KA SAMA THA KARBALA SE SHAM TAK

Back To Nauhey in Text