RABAB ASGHAR KO YAAD KAR KE JO KHALI JHULA JHULA RAHI HAI
LAHAD ME ASGHAR TO SO RAHE HAI WO KISKO LORI SUNA RAHI  HAI

HAI GODH SUNI TO GHAR BHI SUNA
HAI YAAD ASGHAR KI AUR HAI RONA
JALA WO JHULA NAZAR ME RAKH KAR
KALEJA APNA JALA RAHI HAI

MACHA HAI KOHRAM BIBIYO ME
SAGHEER MAIDAN ME SOE KAISE
SHALUKE ASGHAR KE NAHNE NAHNE
DIKHA KE SUB KO RULA RAHI HAI

MALA HAI CHEHRE PA KHOON TUMHARA
RAHO GAY KYA SHEH KE SAATH BETA
NA DILJALI KO RULA-O-BETA
WO TUM KO RO KAR BULA RAHI HAI

BOHAT HI NAAZUK HO MERE ASGHAR
LAHED ME IEZA BHI DENGE KANKAR
MILEGA AARAM GHAR ME TUM KO
MEIN KAB SE JHULA SAJA RAHI HOON

CHADHA HAI NAIZE PA SAR HAI USKA
JO TEEN DIN KA THA BHUKA PYASA
HAI KHAFELAY ME JAHA BHI MADAR
NAZAR BHI ASGHAR KI JA RAHI HAI

GALEY PA TEER-E-SITAM JO KHAYE
TO SHEH KE HATAUN PA MUSKURAYE
HASI HAI ASGHAR KI AISI ZAMIN
JAHAN KO AB TAK RULA RAHI HAI

Back To Nauhey in Text