Moula Utho Ke Masjide

Moula Utho Ke Masjid-e- Kufa Udaas Hai
Kaisa Yeh Din hai Aaj Ke Duniya Udaas Hai

Hasanian Beqarar Hai Zainab Hai Muztarib
Rooh-e-Janab-e-Fatema Zehra Udaas Hai

Mohataj-o-benava-o-Yateemo Ke Dardras
Dekho Ke Har Yateem ka Chehra Udaas Hai

Lillah Karbala Ka Tasvoor Na Ki Jiye
Dariya-e-Alqama Ka Nazara Udaas Hai

Aayi Hai Sehar Khun Ki Surkhi Liya Huve
Qaak Ud Rahi hai Khan-e-Kaaba Udaas Hai

Jibreel Ko Fughaan Hai Ali Qatl Ho gaye
Larzaan Zameen Hai Arsh-e-Moula Udaas Hai

Bekal Hai Kainat Hawa’en Hai Muntashir
Larzaan Zameen Jangal-o-Sehra Udaas Hai

Har Simit Chha Gaye Hai Qamar Yeh Udaas Lyaan
Toota Hai Baab-e-ilm Madina Udaas Hai

Back To Nauhey in Text