Abbas Abbas Mere Bhai Abbas Abbas Mere Bhai

Shabbir Yeh Kehte The Roro Ke Sar-e-Maqtal
Tum So Gaye Dariya Par Aur Hum Ko Kiya Bekal
Hai Alame Tanhai Hai Alame Tanhai
Abbas Abbas Mere Bhai

Dharas Thi Sakina Ko Zinda Hai Chacha Uska
Le aaayega Dum Bhar Mein Rukh Pherke Dariya Ka
Marne Ki Khabar Aaayi Marne Ki Khabar Aayi
Abbas Abbas Mere Bhai

Tooti Hai Kamar Meri Tum Jab Se Gaye Ran ko
Jo Noor Tha Ankhon Mein Baqi Na Raha Dekho
Jati Rahi Binayi Jati Rahi Binayi
Abbas Abbas Mere Bhai

Dariya pe Kiya Qabza Lehra Diya Parcham Ko
Maskhiza Bhara Lekin Pani Na Diya Dekho
Pyaason Ki Jo Yaad Aaayi Pyaaason Ki Jo Yaad Aaayi
Abbas Abbas Mere Bhai

Aye Shere Jari Tum To Zainab Ka Sahara The
Pyaason Ke Safine Ka Saahil The Kinara The
Mash’hoor Thi Saqqai Mash’hoor Thi Saqqai
Abbas Abbas Mere Bhai

Akbar Ki Judai Ne Jo Zakhm Lagaya Tha
Woh Ghaav Bhi Zainab ne Yeh Sonch Ke Jhela Tha
Zinda Hai Mera Bhai Zinda Hai Mera Bhai
Abbas Abbas Mere Bhai

Marke Bhi Jo Duniya Mein Hai Kaun Siva Tere
Zinda Hai Wafa Jis Ki Zehra ki Duaon Se
Ghaazi Ne Sanad Paayi Ghaazi Ne Sanad Paayi
Abbas Abbas Mere Bhai

Back To Nauhey in Text